Wezîrê Karên Hundir ê Tirkiyeyê Suleyman Soylu şevê din li ser hesabê xwe yê medyaya dijîtal îdia kir ku li herêma Omeriya ya Mêrdînê 2 endamên HPG’ê hatine kuştin. Derket holê ku ji kesên jiyana xwe ji dest dayîn yek jê endamê HPG’ê Mûsa Kahraman (Çiyager) û yê din jî xalê Kahraman ê 53 salî Lokman Gorgun e. Hat zanîn ku Gorgun bavê 8 zarokan e û li gund debara xwe bi karê sewalkariyê dikir.
Cenazeyên Kahraman û Gorgun anîn morga Nexweşxaneya Perwerde û Lêkolînê ya Mêrdînê. Malbat, ji bo wergirtina cenazeyan li pêşiya morgê disekinin. Malbatan da zanîn ku tu pevçûn derneketine û gumana wan heye ku Kahraman û Gorgun hatibin înfazkirin.
