Partîya Çep a Keske Çewlîg, Dêrsim û Xarpêt de bi beşdarîya namzedanê xo xebatanê weçînayîşî rê bêmabên dewam kena.
Dêrsim
Namzeda Partîya Çep a Keske ya Dêrsimî Aytene Kordu, xebatkaranê Îtîfaqê Kede û Azadîye û Wekîlê HDPyî yê Dêrsimî Alîcan Onluyî qezaya Çemişgêzekî de esnafî zîyaret kerd û dima dewanê Ekîrek, Sinsor, Dekge, Akturk û Karagedikî de dewijî zîyaret kerdî. Namzede Aytene Kordu dewan de yew bi yew dewijî pers kerdî û goş na meseleyanê înan ser.
Xarpêt
Namzedanê Partîya Çep a Keske ya Xarpêtî Savaş Erdoganî, Nurşat Yeşîl û Sultan Yaraye Weqfa Cem Kulturî ya Elewîyan û Cemxaneyê Ehl-î Beytî zîyaret kerdî. Namzede Nurşat Yeşîl û namzed Erdoganî zîyaretan de ard ziwan ke ganî cemxaneyan rê statutê îbadetxane bêro dayene û bawerîya elewîtîye bi qanûnan bêra pawitene.
Çewlîg
Namzedanê Partîya Çep a Keske Cemîle Turhalli Balsak, Faruk Aris û Omer Farul Hulakuyî hêverî Komeleya Tavzî zîyaret kerde û dima zî îdarekarê Sîteya Sanayî ya Çewlîgî zîyaret kerdî. Meclîsê HDPyî yê Şaredarîya Çewlîgî zî zîyaretan de amade bi. Zîyaretan de goş nîya meseleyan ser û perspektîfê çareserîye yê Partîya Çep a Keske ame pêşkêşkerdene.
