Platformê Cinîyan yê Dêrsimî programê xo yê aktîvîteyanê roja 25ê Teşrîna Peyêne eşkera kerd û wina va: “Seba ke ma waştişanê xo bîyarî ziwan ser û qanûn bêrî caardene ma do raşteyan de bibî.”
Platformê Cinîyan yê Dêrsimî derheqê aktîvîteyanê xo yê 25ê Teşrîna Peyêne Roja Têkoşînî ya Vera Şîdetê Serê Cinîyan ya Mîyanneteweyî de awanîya Konfederasyonê Sendîkaya Kedkaranê Rayapêroyî (KESK) de eşkerayî da. Temsîlkarê komeleyan yê partîyanê siyasî tewrê eşkerayî bîyî. Serê nameyê platformî Nurşad Yeşîle qisey kerde û va: “Wa her tewir şîdetê serê cinîyan bêrî astengkerdene. Ma emser zî 25ê Teşrîna Peyêne de raşteyan de bibî. Heqê cinîyan yenî binpaykerdene û cinî netîceyê şîdeto ke serê înan de yeno kerdene de cuya xo vindî kenî. Seba ke ma waştişanê xo bîyarî ziwan ser û qanûn bêrî caardene ma do raşteyan de bibî.”
Aktîvîteyê platformî wina yo:
“*Ewro: Do hepsîyê cinîyan rê kart bêrî erşawitene.
*21-22 22ê Teşrîna Peyêne de yanî roja Îne: Seba balenatişê serê şîdetê cinîyan do afîş kargehê bazirgîye û wesayîtan de bêrî daliqnayene. Salona Şaredarîye ya Konferansî de zî do fîlm bêro pêşandayene.
*25 Teşrîna Peyêne: Raşteyê Seyîd Rizayî de saet 17.30î de do eşkerayî bêro dayene.” DÊRSIM
