Dewleta Tirk a dagirker bi salane bi balafirên şer ên bêmirov (SÎHA) qadên sivîlan jî di nav de Bakur û Rojhilatê Kurdistanê bombebaran dike. Herî dawî herêmên Koçerat, Çiyayê Qeraçox, Teqil Beqil û gundê Şirikê kirin hedef û li gundê Xana Seriyê jî wesayîta sivîlan kir hedef. Di encama armanckirina wesayîtê de 2 welatiyên sivîl ku di hundirê wesayîtê de bûn jiyana xwe ji dest dan û yekî din jî ku nêzîkî cihê êrîşê bû ji lingê xwe de birîndar bû.
Li gorî daneyên SOHR’ê (Mala Çavdêriyê ya Mafên Mirovan a Sûriyê) balafirên şer ên bêmirov (SÎHA) yên dewleta Tirk a dagirker li Hesekê êrîşî santrala ceyranê kir. Di êrîşên 10 rojan ên li dijî Bakur û Rojhilatê Sûriyeyê de heta niha herî kêm 13 kes kes şehîd bûn û 18 kes jî birîndar bûn.
