Dewleta tirk a dagirker tevî agirbesta di navbera wan û DYA’yê de jî êrîşên xwe didomîne. Hat zanîn ku ji şevê din ve hêzên dagirker çekên giran û komên çeteyan derbasî Serêkaniyê dikin
Hêzên artêşa tirk a dagirker û komên çete yên girêdayî wê êrîşên xwe yên qirkirinê yên li dijî rojavayê Kurdistanê didomînin. Hêzên dagirker her çiqas bi DYA’yê re ji bo êrîşên li dijî Rojava agirbest ragihandibe jî, her ku diçe hêzên xwe yên leşkerî li herêmê zêdetir dikin û amadekariyên êrîşên mezintir dikin.
Di vê çarçoveyê de hêzên dagirker li Serêkaniyê êrîşên xwe yên li dijî şervanên HSD’ê didomînin. Çavkaniyên ji Serêkaniyê ragihand ku hêzên dagirker ên dewleta tirk ji şevê din heta serê sibehê çekên giran û komên çete derbasî Serêkaniyê dikin.
Her wiha hat gotin ku li navenda bajar dem bi dem jî di navbera şervanên HSD’ê û hêzên dagirker de pevçûn derdikevin. SEREKANIYÊ
