Hêzên artêşa tirk a dagirker bi çekên giran êrîşî nexweşxaneya Serêkaniyê û navenda wê dikin. Di heman demê de artêşa tirk gundê Bîr Hebeş bombebaran kir û di encamê de 2 sivîl birîndar bûn
Êrîşên dewleta tirk a dagirker û çeteyên wê êrîşên xwe yên qirkirinê yên li dijî rojavayê Kurdistanê bênavber didomînin. Dewleta tirk û çeteyên wê di van kêliyan di bi çekên giran, bi tank û topban êrîşî navenda Serêkaniyê û nexweşxaneyê dikin. Êrîşên dewletên tirk ên li dijî Serêkaniyê bi hemû dijwariya xwe berdewam in. Li hemberî vê yekê jî şervanên Hêzên Sûriyeya Demokratîk (HSD) li ber xwe didin.
Di heman demê de artêşa tirk a dagirker û çeteyên wê gundê Bîr Hebeş ê li rojavayê Girê Spî bombebaran kir. Di encama bombebarana artêşa tirk de welatiyên bi navên Mihemed Îbrahîm (23) û Nermîn Mihemed Hesen (18) birîndar bûn.
Heyva Sor a Kurd birîndar rakirin nexweşxaneya Kobanê. SERÊKANIYÊ
