Artêşa tirk a dagirker û çeteyên wê li Efrînê 100 darên zeytûnan ên şêniyên gundê Axceqlê birîn
Binpêkirin û talana hêzên artêşa tirk a dagirker û çeteyên wê yên li Efrînê bênavber didomin. Hêzên dagirker ên ku li herêmê welatiyan direvînin, digirin, îşkence dikin û dikujin, li hêla din jî xwezaya Efrînê tune dikin.
Li gorî agahiyên ji çavkaniyên Efrînê, koma çete ya Ehrar El Şerqiye ku girêdayî dewleta tirk e binpêkirinên xwe yên li dijî şênî û xwazeya Efrînê didomîne. Di vê çarçoveyê de çeteyan îro 100 darên zeytûnan ên şêniyên gundê Axceqlê yê Cindirês a Efrînê birîn.
Rêxistina Mafên Mirovan a Kantona Efrînê jî destnîşan kir ku ji roja destpêkê ya dagirkirina Efrînê heta niha hêzên artêşa tirk a dagirker û çeteyên wê li Efrînê herî kêm 15 hezar darên zeytûnan birîn. EFRÎN
