Deyîrbaz, saetanê şewa verên de Parka Koşuyoluye de tewrê programê ‘Şahîyê Hewayo Akerde’ yê Şaredarîya Bajarê Girdî ya Amedî bîyî û şewe geş kerdî
Şaredarîya Bajarê Girdî ya Amedî her peynîya hewteyî de programê ‘Şahîyê Hewayo Akerde’ yê bi nameyê ‘Cuye yê ma ya, vatiş yê ma yo’ viraşte. Şewa verên zî Parka Koşuyoluye de program bi deyranê deyrbazan dewam kerd. Xeylê deyîrbazî tewrê program bîyî û heta ereyê şewe deyran vatî. Deyîrbaz Devrîm Demîr şewa verên hîkayeya ‘Mirze Mihemed’ va û bale ant xo ser. Deyîrbaz Mihemedê Kortepe, Mihemedê Birikî, Mihemedê Hezanî zî bi deyranê xo bale antî xo ser. AMED
