Navenda Nûçeyan
Li gorî daneyên Saziya Çavdêriya Mafên Mirovan a Sûriyeyê (SOHR) ku navenda xwe li Londonê ye, li Dêra Zorê li dijî otobusên ku hêzên rejîmê tê de bûn êrişek hate kirin û di encamê de bi dehan leşker jiyana xwe ji dest dan. Di vê êrişê de hat îdiakirin ku êrîş ji aliyê DAİŞ’ê ve hatiye kirin, herî kêm 37 leşker mirin.
Li gorî ajansa nûçeyan a Sûriyeyê SANA’yê di êrişê de ’25 welatî’ mirine û 13 jî birîndar bûne.
Dîrektorê SOHR’ê Ramî Abdel Rahman diyar kir ku êriş li dijî sê otobusan hatiye kirin, lê belê du ji wan ji êrişê rizgar bûne.
Rahman ragihand ku ev yek mezintirîn êrişa DAİŞ’ê ya salên dawî ye ku bi operasyona mezin a Hêzên QSD’ê di sala 2019’an de têk çûbûn.
