Hunermend Suna Alan li Londonê bi navê ‘’Muzîka gelêrî ya Kurdan û çîrokgotin” konserek da û balkişand ser girîngiya çîrokgotin û ziman
Li Babel Art House ku Stoke Newington a paytexta Ingilîstanê Londonê bi navê ‘’Muzîka gelêrî ya Kurdan û çîrokgotin” konserek organîze kir. Di konserê de Suna Alan li ser her strana wê gotî agahî dan.
Di axaftina xwe ya destpêka konserê de Suna Alan got ku wê repertuwarek hazir kiriye ku stranên wê yên gelêrî ji serdema Osmaniyan heta bi rabihuriya nêzîk diçe. Wê got ku gava wê her carê li ser newa û stranekê lîkolîn kiriye, wê çîrokên nû nas kirine. Wê wekî diyar kir ku tesîra radyoya Êrîvanê, lê her weha radyoyên din li ser kurdan gelek e û da zanîn ku ew ê ji wan arşîvekê çêke û bi xelkê re parve bike.
Di konsera di qonaxî de Sûna Alan stranên Seyadê Şame, Sûsika Simo, Aram Tîgran, Ayşe Şan, Karapetê Xaço, Meryem Xan, Hesen Cizrawî û gelek stranên gelêrî yên kurdan gotin û behsa serpêhatiya wan kir.
Bi kurdî nizanin lê kurdî tesîr li wan kir
Guhdaran gelekî performansa Suna Alan eciband. Di konserê de Dursuncan Çakin (bi tembûra cura), Firat Kaya (bi gîtarê) û Vedat Demirkol (bi flutê) refaqetî Suna Alan kir.
Alan ji rojnameya me re peyivî û got, ‘’Ez li xwe mikur bêm ku ez ne li bendê bûm ku konser û nexasim jî serpêhatiyên min gotî wê evqasî karîger bin. Min vê êvarê ji mirovên kurdînezan re got, pê min xwe gihand dilê wan jî. Ev tecrûbe ji bo min gelekî baş bû û plan dikim di demeke kurt de wê pirrcarî jî bikim” LONDON
