AKPyî yo ke mîyanê krîzê ekonmîkî de yo, elektrîkî rê se ra 22, gazî rê se ra 27 zam kerd
Dezgehê Îstatîskî yê Tirkîya, îstatîskê vayaya gazê tebîî û elektrîkî yê mabênê Temmuze-Kanûne 2018î eşkera kerdî. Goreyê naye zî, 6 menganê peyênan ê 2018î , goreyê menganê verênan malbîyayîşê yewîna elektîrîkî rê se ra 22.6 zam ame kerdene. Malbîyayîşê yewîna gazê tebîî rê zî 6 menganê peyênan ê 2018î de se ra 27 zam ame kerdene.
Eşkerayîya ke hetê Beşê Odaya Muhendîsanê Elektrîkî (EMO) ya Anqara ra ameye dayene de ame vatene, “Wextê Îqtîdarê AKPyî yê 17 serran de, tele ra heta derzîne, elektrîkî ra heta gazê tebîî, nanî ra heta pîyazan zam ame her çîyî ser. Hemwelatijî seba hewcadarîyanê xo yê tewr bingeyênan biyarê ca, rîyê dayîşê nê faturayan ra roje bi roje hîna bîyî feqîrî.”
Eşkerayîye de ame vatene, nê 15 serranê peyênan de elektrîkî rê se ra 240 zam ameyo kerdene, nê 15 serran de şar goreyê vayaya yewîna elektîrîkî se ra 240 hîna bîyo feqîr. ANQARA
