Goreyê doneyanê Rasatxaneyê Kandîllî qezaya Kanîreşî ya Çewlîgî de bi şîdetê 5,8î erdlerz qewimîya. Erdlerz Erzirom, Meletî, Mûş, Xarpêt, Dêrsim û Amed de ame hîskerdene.
Walîtîya Çewlîgî da zanayene ke dewa Licikî ya Kanîreşî de 2 kozikê nobetî yê qereqolî rijîyayî û di qorîcî bînê de mendî. Qoricîyan ra yew ame xelisnayene o bîn hema binê rijîyayîşî de yo. Reyna eynî dewe de hîrê hemwelatîyî binê rijîyayîşî de mendî. Înan ra qicêk ame xelisnayene û semedê di kesanê bînan xebatê xelisnayîşî dewam kenê. Çermê de zî hîrê kesî binê rijîyayîşî ra ameyî xelisnayene.
Walîtîye dima ra eşkerayîyêka bine daye û vat qoricîyêk cuya xo vînî kerde û serweşîye waşte.
Hetê bînî ra hetkarê serokkomarî Fuat Oktayî zî hesabê xo yê medyaya sosyale ra da pêhesnayene ke hûmara birîndan ê erdlerzî bîya 18. ÇEWLÎG
