Çeteyên DAIŞ’ê li ser zêdebûna gefên dewleta tirk ên li dijî Rojava û şevê din êrîşî baregeha HSD’ê ya li Reqayê kir. Li navenda Reqayê şerekî dijwar qewimî
Di demekî ku hêzên artêşa tirk ji Minbicê heta Girê Spî, Serêkaniyê û gelek deverên din bi dehhezaran leşker û çete, tank, top û çekên giran ji bo êrîşeke gengaz a li dijî rojavayê Kurdistanê bi cih kirin de, komên çete yên DAIŞ’ê şevê din êrîşî Reqqayê kir.
Li gorî agahiyan, komên çete şevê din saet derdora 02.00’an de li navenda Reqqayê bi awayeke hemwext êrîşî noqteya Hêzên Sûriyeya Demokratîk (HSD) a li taxa Basil ku li rojavayê bajar dimîne kir. Li gorî agahiyan, gelek çeteyên DAIŞ’ê hewl dan bendên ewlekariyê yên li bajêr bi dest bixin. Li ser vê yekê jî di navbera şervanan û çeteyên DAIŞ’ê de şerekî dijwar rû da.
Di heman demê de balafirên şer ên koalîsyonê jî qadên ku çeteyên DAIŞ’ê lê bûn hedef girtin. REQA
