Dewleta tirk a dagirekr ji 23′yê kanûnê ve êrîşên xwe li dijî Bakur û Rojhilatê Sûriyeyê zêde kirine. Di encamê de 9 welatî, 3 endamên Hêzên Ewlekariyê şehîd bûn û bi dehan birîndar bûn. Her wiha binesazî, cihên stratejîk û xizmetguzarî ji xizmetê derketin. Li hemberî van êrîşan jî hêrsa gel zêde dibe
Endama Meclisa Civaka Ermenî Sivan Aibo der barê êrîşên dewleta tirk de axivî û wiha got: “Wek em dizanin dîroka dewleta tirk tije hovîtî û sûc e û li dijî gelê ermen û tevahî gelên azadîxwaz komkujî û qirkirin pêk anîne.”
Sivan wiha domand: “Ruxmî hemû hewldanên dewleta tirk lê nikarî pêkhateyên Bakur û Rojhilatê Sûriyeyê û projeya wan a demokratîk a li ser bingeha wekheviya gelan têk bibe. Em pêkhateyên herêmê em ê li dijî êrîşên dagirkeriyê hevgirtî bin û ji berê bihêztir bin. Em ê nehêlin balafirên dewleta tirk a dagirker me bişkînin.”
Hevserokê Meclisa Civaka Ermenî ya Bakur û Rojhilatê Sûriyeyê Yervand Kasperian êrîşên hovane yên dewleta tirk a dagirker li ser herêmên şermezar kir û got, dewleta tirk hewl dide projeya demokratîk a pêkhateyên herêmê diparêze têk bibe.
Yervand wiha domand: “Dewleta tirk bi êrîşên xwe yên li ser binesazî û tevahî navendên xizmetguzarî dixwwaze vîna gelan bişikîne û mozaîka civakî têk bibe.”
Yervand anî ziman ku çiqas êrîş giran bin û çiqas Erdoganê faşîst hewl bide nikare vîna û berxwedana gel têk bibe û dê gel li hember êrîşên Tirkiyeyê bi hemû hêza xwe bisekine, herêmên xwe biparêze.
