Esteyê Hakan Arslanî ke wextê qedexeyê tebervejîyayîşê kuçeyan de 2ê kanûna 2015î de qezaya Sûrî de dinyaya xo bedelna bî, badê 7 serranê tewre de teslîmê pîyê ci ame kerdene. Esteyê ke aşma Teşrîna Peyêne ya 2021î de ameybî dîyarkerdiş ke se ra 95 aîdê Hakan Arslanî yî, Dezgehê Tibê Edlî (ATK) ra şirawîya Edlîyeya Amedî. Esteyê Arslanî roja panşeme resayî Edlîyeya Amedî û aye roje ra nata este odeya dozgero ke dosya reyde meşgul beno de yenê tepiştiş.
Pîyê Hakan Arslanî Alî Riza Arslano ke badê agahîdayîşî Erziromî ra ame Amed, şî Edlîyeya Amedî. esteyê lajê xo tewre de teslîm girewt. Pî Alî Riza Arslanî ver bi Erziromî şî ke esteyê lajê xo ewja de defin bikero. AMED
