Wezîrîya Weşîye ya Gazze ya ke binê kontrolê Hamasî de ya, roja şemeyî bi eşkerayîyêke derheqê bîlançoya peyêne de agahîyî dayî.
Goreyê bîlanço netîceya hêrişanê Îsraîlî de 7ê teşrîna verêne ra nata 1756ê ci domanî û 967ê ci cinîyî 4 hezar û 385 filîstînijî kişîyayê. Hêrişan de tewr tay 13 hezar û 561 kesî zî birîndar bîyî.
Hetê bînî ra Sekreterê Pêroyî yê Neteweyanê Yewbîyayeyan Antonio Guterresî Zîrveya Haştîye ya Kahîre de qisey kerd û venga Hamas û Îsraîlî da ke wa adirbirnayîşêkê merdimatîye virazê. Guterresî vat: ”Seba ke no kabus biqedo ganî ma pîya têbigêrê.”
Serê sibayî Misirî ra Berê Refahî ame akerdene û 20 TIRî derbazê Gazze bîyî.
Guterresî da zanayene ke seba 2.4 mîlyon gazzeyîjan 100 TIRî lazim ê û vat: ”Gazzeyîjî hewceyê hetkarîyêka hîna pîle yê.”
