Gelên Minbicê li dijî êrîşên dewleta tirk a li ser Minbicê bi meşeke şermezar kirin. Meş li gundê El-Ewseclî yê başûrê Minbicê bi beşdarbûna şêniyên xeta El-Muhteriq, El-Farat, endamên saziyên sivîl a demokratîk a Minbicê û endamên meclisa Partiya Sûriyeya Pêşerojê hat lidarxistin.
Di xwepêşandanê de Sultan Ebdulhemîd yek ji şêniyên gundê El-Ewseclî li ser navê beşdaran axivî û diyar kir ku ew îro ji bo şermezarkirin û redkirina kiryarên dewleta tirk û çeteyên wê yên li ser axa wan, daketine qadan.
Hevserokê Meclisa Rêveber a Minbicê Mihemed Xêr Şêxo jî diyar kir ku hevpeymana Rêveberiya Xweser parastina nirxên cîrantiyê dike, heta roja îro jî êrîş ji Bakur û Rojhilatê Sûriyeyê li dijî herêmên din pêk nehatine.
Şêxo destnîşan kir ku dewleta tirk ava vexwarinê li ser Bakur û Rojhilatê Sûriyeyê qut dike û êrîşên xwe berdewam dike.
Berdevka Jinan a Partiya Sûriyeya Pêşerojê ya xeta El-Muhteriq û El-Farat, Refîf El-Semran da zanîn ku tevî ku 5 sal di ser rizgarkirina Minbicê re derbas bûne jî heta niha dewleta tirk desteka komên çete û terorê didomîne. MINBIC
