Odeya Înîsiyatîfa ‘Yekgirtin Bi Berxwedana Rojava re’ bi boneya 2’yê Mijdarê Roja Rojava ya Cîhanê bang li xelkê rojhilatê Kurdistanê kir û xwest ku dakevin qadan
Bi boneya 2’yê Mijdarê Roja Rojava ya Cîhanê, Odeya Înîsiyatîfa ‘Yekgirtin Bi Berxwedana Rojava re’ daxuyaniyek nivîskî weşand. Di daxuyaniyê de hat gotin ku çawa bi yekitiyê serhildana Kobanê bi serket, niha jî pêwîste bi ruhê berxwedana Kobanê hemû kes xwedî li Berxwedana Rûmetê ya rojavayê Kurdistanê jî derbikeve.
Di berdewamiya daxuyaniyê de ev tişt hatin gotin: “Hemû mirovên azadîxwaz û xwedî wijdan, li ser şeqamên cîhanê bi Rojava ya ku roniya hêviya gelên cîhanê re ye. Em jî weke xelkê rojhilatê Kurdistanê dê di saet 17:00’an de ji bo Rojava dakevin ser şeqaman.”
Li gorî vê yekê li Sinê dê çalakî li Qada Eqbal-Fîrdewsê, li Kirmaşanê dê çalakî li Qada Şardarî-Debir Ezem û li Urmiyeyê jî li ber derê Mizgefta Mela Reza çalakî bê lidarxistin.
