Êrişa dewleta tirk ên dagirkeriyê ku di 17’ê nîsanê de bi hevkariya PDK’ê li dijî herêmên Zap, Metîna û Avaşînê yên Herêma Kurdistanê dabû destpêkirin dewam dike. HPG’ê di daxuyaniya xwe de aşkera kiribû ku gerîlayên wan droneyeke PDK’ê xistiye. Gerîla TV dîmenê drona ayîdê PDK’ê ya ku di 4’ê gulanê de li herêma Garê hate xistin, weşand.
Navenda Ragihandin û Çapemeniyê ya HPG’ê ev daxuyanî dabû: “Di 4’ê gulanê saet di 17.30’î de ji baregeha PDK’ê ya li nehiya Bakirman a navçeya Akrê droneyek hate rakirin û ber bi nuqteyên gerîla yên li herêma Garê ve hate şandin. Ev droneya ku ji bo keşfa leşkerî hate şandin ji aliyê hêzên me ve hate xistin. Cihê ku ev drone hate xistin di 5’ê gulanê sate di 04.00 de ji aliyê balafirên şer ên dewleta tirk ve du caran bi rengekî giran hat bombekirin û hate xwestin ku drone bi temamî bê îmhakirin.”
