Berdevka Meclisa Jinan a HDP’ê Dîlan Dîrayet Taşdemîr jinên ku di meha nîsanê de ji aliyê mêran ve hatin kuştin bir rojeva meclisê
Berdevka Meclisa Jinan a Partiya Demokratîk a Gelan (HDP) û parlamentera Agiriyê Dîlan Dîrayet Taşdemîr, têkildarî jinên ku di meha nîsanê de ji aliyê mêran ve hatin kuştin, bi daxwaza ku Wezîra Xizmetên Civakî, Xebat û Malbatê Zehra Zumrut Selçûk bibersivîne, pêşniyarpirsek da meclisê.
Taşemîr di binasiya pêşniyazpirsa xwe de cih da van gotinan: “Bergiriya ku dûrxistina ji bo kesên tundiyê pêk tînin û parastina nêz saz dike; qanûna hejmara 6284 ku ji xurtkirina jinan a madî bigire heta guhertina nasnameyê gelek mafan nas dike û di encama têkoşîna bi salan a rêxistinên jinan ket meriyetê, dema ku bi awayekî çalak pêk bê divê jinan biparêze.”
Taşdemîr di pêşniyazpirsa xwe de ev pirs ji Wezîr Selçûk kirin;
- Di çarçoveya Peymana Stenbolê de divê merciyên dewletê yên eleqedar bên tespîtkirin û li gorî vê yekê rêbazên têkoşînê bên diyarkirin; hûn ji van awazgehên eleqedar ên ku berpirsyariya xwe bi cih naynin ne agahdar in?
- Di meha nîsanê ya 2019’an de çend jin di encama tundiya zilaman de jiyana xwe ji dest dane?
- Sedemên jinên ku di meha nîsanê de jiyana xwe ji dest dane çi ne?
- Navê jinên ku xeyal û armancên wan ên dayik, hevjîn, xwişk û bira û zarok hebûn û di encama polîtîkayên welat de bûn qurbana tundiya zilaman çi ne?
- Jinên di meha nîsana 2019’an de hatin kuştin bi kîjan rêbazî hatine kuştin?
- Derbarê çend jinên ku di meha nîsana 2019’an hatin kuştin biryara dûrxistin û parastinê hebû?
- Di meha nîsanê de qanûna hejmar 6284 bi awayekî çalak pêk hat? Heke qanûna hejmar 6284 bi awayekî çalak pêk hatibe van jinan çawa hatin kuştin?
- Ji çend jinên ku hatin kuştin çend zarokên wan hebûn? ENQERE
