Partîya Demokratîke ya Şaran (HDP) semedê tewrbîyayîşê rayraşîyayîşo ke rayberîya Meclîsê Ciwanan de bi şîarê, ‘Şerî rê nê, bi sîyasetê demokratîkî çareserîye rê ya’ do 8ê temmuze de Amed bêro viraştene veng da
8ê temmuze de do Amed hetê Partîya Demokratîke ya Şaran (HDP) ra bi şîarê ‘Şerî rê nê, bi sîyasetê demokratîkî çareserîye rê ya’ rayraşîyayîşêk bêro viraştene. HDPyî bi eşkerayîyêk semedê tewrbîyayîşî veng da.
Parlamenterê HDPyî yê Amedî Dersim Dage, Salîha Aydenîze, Semra Guzele, Mûsa Farîsogullari, Mayê Haştîye, aktîvîstê TJA, temsîlkarê rêxisitinanê bajar û qezayan ê HDP û DBPyî, ESP û endamê Meclîsê Ciwanan ê HDPyî tewrê ci bîyî. Eşkerayîye hetê hemserekê HDPyî yê Amedî Zeyat Ceylanî ra ameye wendene. Ceylanî bale ante 8ê Temmuze ser û va: “Ma a roje vera şerî vanê haştîye. Vera nêheqîye vanê demokrasî, vera çarênêkerdişê meseleyê kurdî, şerî, bêadaletîye ma vanê haştîye.”
Ceylanî da zanayene ke rayraşîyayîş do vere banê HDPyî yê Kayapinarî de bêro destpêkerdene û ard ziwan ke amadekarîya înan dewam kena. AMED
