Serekwekîlê Koma HDPyî Saruhan Oluçî da zanayene ke Heyetê Dîsîplînî yê Merkezî yê Partîya Demokratîke ya Şaran (HDP) derheqê Parlementerê HDPyî yê Mêrdînî Tuma Çelîkî de bira îxracî daye.
Oluçî eşkera kerd ke Heyetê Dîsîplînî derheqê Tuma Çelîkî de qerar dayê ke teqez partî ra bêro vetene.
Çelîk bi xebera hêrişê cinsî yê vera cinîyêke bibi rojem. Meclîsê Cinîyan ê HDPyî bi eşkerayîyêke vera nê qewimîyayîşî nêrazîbîyayîşê xo ramojna bi û vatbi: ”Ma sey meclîsê cinîyan tim vat û vanê; şîdet, tacîz û tecawuzê vera cinîyan ça ra û kamî ra yeno wa bêro tewirê ma vera ci zelal o.” ANQARA
