Pinar Başa ke qezaya Pêrtagî de atolyeya çî-mîyê zîynetî de ders dana 200 cinîyan dîyar kerde ke hedefê aye oyo ke tewrê cinîyan kooperatîfekê awan bikera
Pinar Başe qezaya Pêrtagî ya Dêrsimî ra ya, labelê Îzmîr de manena. Başe pêrtagî de çî-mîyê zîynetî virazena û sewbîna 3 serrî verê çîyê ke Başe roşena bala esnafanê Îzmîrî zî ancena. Başe nika zî bi paştîya Şaredara Pêrtagî Ruhan Alane seba cinîyan atolye akerda. Başe tîya de ders dana 200 cinîyan û dîyar kerde ke lazimîya cinîyan bi kooperatîfek esta. Eke kooperatîfek bêro awankerdene do cinîyî dest bi viraştişê çî-mîyê zîynetî bikerî.
Başe daye zanayene ke hedefê atolyeyî yê yewin oyo ke cinîyan rê raşteyê îstihdamî temîn bikero û wina va: “Ez xo vera musaya viraştişê çî-mîyê zîynetî. Mi waşt ke ez qezaya xo de bixebeta. Seba pêardişê naz î lazimî bi grxwbêke estbî. Mi na grûbe zî cinîyanê Pêrtagî ra pê ard. Mîyanê hewteyêk de ma dest bi xebatan kerd. Îzmîr de tewr zêde 30 cinîyî estbî. Labelê wexto ke ez ameya Pêrtag mi vîna ke 200 cinîyî tewrê xebatanê atolye bîyî û wazenî ke bêrî perwerdekerdene. Eke proses goreyê zerrîya ma dewam bikero, ma do kooperatîf 8ê Adare de awan bikerî. Rewşa ekonomîya cinîyan yê ke yenî tîya baş nîya. Seba ke lazimîya înan esta yenî tîya. Ez wazena ke cinî hetê ekonomî de azad bibî.” DÊRSIM
