Hemsereka Partîya Demokratîke ya Şaran (HDP) ya Dêrsimî Ozlem Toprake da zanayene ke seba ke endamê Rêxistina AKPyî ya Xozatî Erdal Balikî ci aye rê gefî wend û îftîra pê kerd aye gerreyê ey kerdo.
Ozleme Toprak Komeleya Heqê Merdiman (ÎHD) de kombîyayîşêkê çapemenîye kerd û vat: ”Ez qerqilîyena ke no şexs do zerar bido mi û keyeyê mi. No kesayet mi rê îftîra keno. Ganî serdozgerîye biewna qeydanê telefonî û îfadeyê nê şexsî bigêra.”
Toprake ard ziwan ke Balikî ci rê 17ê gulane de telefon kerd û vat: ”Ti terorîsta PKKyî ya, şima terorîst ê. Birayê to yo ke zîndan de yo zî terorîst o. Eke ez biwaza gerrayê to kena, ez eşkena to bierza zîndanî. ” Dima ke Topreke Balikî rê vat ke a do gerrayê ey bikera Balikî vat: ”Ez endamê AKPyî ya. AKP paştê mi gêno, walîtîye mi pawena, leşkerîye îxale dana mi, qanûn ê min o, dewlete yê min a. Ez eşkena vera şima her çî bikera.”
Serekê ÎHDyî yê Dêrsimî Gurbuz Solmazî zî îfade kerd ke na eşkerayîye gerrayê sûcî ya û venga dozgeran da ke têbigêrê. DÊRSIM
