Awa awbendê Ilisu ke do bajarê tarîxkî Heskîfî binê awa xo de vera bida 3 kîlometre nizdîyê merkezê Heskîfî bîya
Badê ke qapaxê berê Awbendê Ilisuyî ameyî padayene 199 ca û wareyê şarî ê Mêrdîn, Sêrt û Elihî binê awe de mendî. Heta nika xeylê cayî binê awe de mendî. Awa awbendî ver bi gelîyê Dîcle û Botanî herîkîyena û xeylê ca û wareyanê rindikan yê xozayî mirnena. Awa awbendî 3 kîlometre nizdîyê merkezê Heskîfî bîya. Her ke şono awa awbendê Ilisu reseno merkezê Heskîfî. Yeno pawitene ke awa awbendî heta serrê serrî biresa kişta Heskîfî ke bi betonan ameyo talankerdene. Goreyê texmînan 3 kîlometre mendo ke awe biresa merkezî Heskîfî û bajarê tarîckî binê awe de bimano.
Yeno vatene ke awa awbendî do 40 kîlometre derg biba û do awbend de pêropîya 10,5 mîlyar metrekup awe biba. ÊLIH
