Hevserokê ESP’ê Şahîn Tumuklu û endamên partiyê yên di roja sêşemê de hatibûn binçavkirin, bi şertê kontrola edlî hatin berdan
Di roja sêşemê de di encama serdegirtina polîsan de hevserokê Partiya Sosyalîst a Bindestan (ESP) Şahîn Tumuklu, seroka ESP’a Stenbolê Pinar Turk û endamên MYK’ê Huseyîn Îldan û Savaş Başak hatin binçavkirin. Kesên hatine binçavkirin îro derxistin Dozgeriya Stenbolê ya li Çaglayanê.
Piştî îfadeya li dozgeriyê, dozger endam û rêveberên ESP’ê bi daxwaza ‘kontrola edlî’ sewqî dadgeha nobedar kirin. Heyeta dadgehê jî ESP’î bi şertê kontrola edlî berdan. STENBOL
