Heyeta ku ji başûrê Kurdistanê derbasî rojavayê Kurdistanê bû, serdana Goristana Şehîd Xebat a Dêrikê kirin
Ji başûrê Kurdistanê heyeta ku 21 kesî tê de cih digirt û jî rêxistina mafên mirovan, saziya jin û rêxistinên siyasî pêk dihat ji bo piştgirîdayînê derbasî rojavayê Kurdistanê bûn û serdana Goristana Dêrik a girêdayî Kantona Qamişloyê kirin.
Jinan li ser gora Şehîd Hevrîn Xelaf kom bûn û sersaxî ji malbatê re xwestin. Her wiha dayika şehîd Hevrîn spasiya heyetê kir ku serdana goristanê kirin û wiha got: “Li hember dijminê hov berxwedanek pir mezin pêwist e. Şehîd Hevrîn ji bo wekheviya gelan kar dikir lê dewleta hov û bi dewletên xayîn re kemîn ji keça min re danîn û ew bi hovitî qetil kirin. Dîsa jî dibêjim bila serê gelê kurd sax be. Em ê her û her li ser şopa şehîdên xwe bin.”
Dê heyeta jinan heta 2 rojan sazî û dezgehên Rojava ziyaret bikin. QAMIŞLO
