Heyva Sor a Kurdistanî nameyê hemwelatijê sivîlî yê ke hêrişanê dewleta tirkî ya dagirker de şehîd bîyî û birîndaran eşkera kerd
Heyva Sor a Kurdistanî nameyê hemwelatijê sivîlî yê ke netîceyê hêrişanê dewleta tirkî ya dagirker û komê girêdayeyê ci yê vera rojawanê Kurdistanî de şehîd bîyî û birîndaran eşkera kerd û malumatanê derheqê înan pare kerd.
Goreyê xebera ANHA nameyê sivîlê ke hêrişê dewleta tirkî de şehîd bîyî wina yî: “Fadî Seberî Hebsono (32) û Colyêt Yaqûb Nîkola (30) hêrişê taxa Beşiriye ya Qamişlo de şehîd bîyî. Mihemed Hac Îsmaîl û Rebîa Îsmaîye hêrişê dewa Metkalta ya Girê Spî de şehîd bîyî. Ekrem Yûsivî zî hêrişê merkezê Qamişlo de şehîd bî.”
Nameyê birîndaran zî wina yî: “Rêzan Îsmaîl (9) hêrişê dewa Metkalta ya Girê Spî de birîndar bî. Abdulxenî Hemo (17) û Delîl Mûsa hêrişê Qamişlo de birîndar bîyî. Basil Meter Mihemed (19) hêrişê Srekanîye de bîrîndar bî. Yehya Îbrahîm El Casim (25 hêrişê vera Dirbêsîye de birîndar bî. Ehmed Xidir Denderî zî hêrişê vera dewa Aşme ya Kobanî de birîndar bî.”
Ganî bêro vîrvistene ke dewleta tirkî taybet sivîlan hedef gêna ke herême veng bikera û komê çete û keyeyê înan herême de ca bikera.
