Dewleta tirkî ya dagirkere û çeteyê pabesteyê aye saetanê nîme rojî de dewa Cephe ya Eyn Îsayî bombardûman kerdî
Hêrişê artêşa tirkî ya dagirkere û çeteyê pabesteyê aye yê vera rojawanê Kurdistanî bêmaben dewam kenî. Hêzê dagirkerî yê dewleta tirkî hema hema her roje herême bombardûman kenî û topan varnenî herême ser o. Na çarçewe de hêzê dagirkerî ewro saet dormeyê 12.20î de dewa Cephe ya Eyn Îsayî bombardûman kerdî.
Ganî bêro vîrvistene ke hêzê dagirkerî yê pabesteyê dewleta tirkî û çeteyê aye 16ê kanûne de dewa Qizelî ya Girê Spî û Xirbet ya Kobanî bombardûman kerdbî. Hêzê dagirkerî yê 14ê kanûne de zî dewa Xoşan ya Eyn Îsayî bombardûman kerdbî.
