Gerîlayan li leşkerên tirk ên li girekî ji bo ewlekariya Qereqola Wargenima ya girêdayî Geverê bikin bi cih bûbû, çalakiyek pêk anî û herî kêm 3 leşker hatin kuştin
Navenda Ragihandi û Çapemeniyê ya HPG’ê têkildarî çalakiyên gerîlayan a li dijî artêşa tirk a dagirker daxuyaniyeke nivîskî weşand.
HPG’ê ragihand ku hêzên wan ên YJA Star di çarçoveya Pêngava Şoreşgerî ya Şehîd Bager û Şehîd Ronya de di 8’ê hezîranê saeta 04:45’an de li dijî yekîneya artêşa tirk a dagirker a li girekê ji bo ewlekariya Qereqola Wargenima a girêdayî navçeya Gever a Colemêrgê bicih bûbûn, çalakiyek pêk anîne û ev agahî parve kir: “Di vê çalakiyê de ku li çeper û kozikên leşkeran ên li gir bi xurtî hate xistin de bi qasî hate zelalkirin 3 leşker hatin kuştin. Piştî çalakiyê artêşa tirk bi obus û hewanan qad bombe kirin. Her wiha di 7’ê hezîranê de balafirên şer ên artêşa tirk a dagirker di saet 07:00’an de devera Şehîd Bêrîtan a girêdayî herêma Xakûrkê ya Herêmên Parastinê yên Medyayê bombe kir. Di vê bomberdûmanê de tu windahiyên hêzên me nîne.” BEHDÎNAN
