Navenda Ragihandin û Çapemeniyê ya HPG’ê têkildarî êrîşên hewayî yên artêşa tirk daxuyanî da û diyar kir ku di encama êrîşan de 3 gerîla şehîd bûne
Navenda Ragihandin û Çapemeniyê ya HPG’ê têkildarî êrîşên hewayî yên li dijî herêmên Parastinê yên Medyayê daxuyaniyek nivîskî weşand.
HPG’ê ragihand ku roja 26’ê gulanê saet di 06.45’an de balafirên şer ên artêşa tirk bombe li herêma Golka ya Herêma Metîneyê barandine û ev agahî parve kir: “Balafirên şer roja 28’ê gulanê di saet 05:00’an de bombe li Girê Şehîd Sarya û saet di 22:30’an de derdora çemê Lolan û neqeba Şêxzade barandin. Saet di 09.00’an de bombe li gundê Filleha yê herêma Zê barandin. Saet di 19:00’an de bombe li Girê Kartal yê herêma Avaşînê barandin. Her wiha dîsa roja 29’ê gulanê balafirên şer saet di 06:30’an de bombe li herêma gundê Filleha û Girê Cehennem yê herêma Zê barandin.”
3 gerîla şehîd bûn
Her wiha HPG’ê diyar kir k udi encama bombebarana artêşa tirk de li Herêma Qendîlê 3 gerîla şehîd bûne û da zanî ku agahiyên têkildarî nasnameyên şehîdan dê piştre bi raya giştî re werin parvekirin. BEHDÎNAN
