HRE’yê da zanîn ku hêzên wan di çarçoveya çalakiyên tolhildanê de 4 leşker û çeteyên dewleta tirk kuştin
Hêzên Rizgariya Efrînê (HRE) têkildarî çalakiyên hêzên wan ên li dijî hêzên artêşa tirk a dagirker û çeteyên wê yên li Efrîn û Mareyê daxuyaniyek da. HRE’yê da zanîn ku hêzên wan di çarçoveya çalakiyên xwe yên tolhildanê de li dijî artêşa tirk a dagirker û çeteyên wê yên li herêma Efrîn û Mareyê çalakiyên bibandor pêk anîn.
HRE’yê diyar kir ku hêzên wan di 28’ê mijdarê de li gundê Malikiyê yê Şera yê Efrînê li dijî barageheke artêşa tirk a dagirker çalakiyek pêk anî û di çalakiyê de 2 leşkerên tirk hatin kuştin. HRE’yê wiha domand: “Di heman rojê de hêzên me li taxa Eşrefiye yê Efrînê li dijî çeteyên koma bi navê Firqat El Hemze çalakiyeke sabotajê pêk anî. Di çalakiyê de seyareyeke leşkerî hat rûxandin, çeteyê bi navê Rabî Ebû Arif hate kuştin û çeteyek jî birîndar bû.”
Topbarana li ser herêmê
Daxuyanî wiha bi dawî bû: “Di heman dîrokê de hêzên me li derdora Mareyê li dijî çeteyên artêşa tirk a dagirker çalakiyeke sekvaniyê pêk anî. Di çalakiyê de çeteyek hate kuştin. Her wiha artêşa tirk a dagirker û çeteyên wê gundên Malikiyê, Merenaz û Şewarxa yên Şerayê û gundên Aqîbê û Bênê yên Şêrawayê topbaran kirin.”
