Fermandarîya Pêroyî ya HSDyî daye zanayene ke do goreyê adirbirnayîşî têbigêrî û adirbirnayîşê mabênê Amerîka û Tirkîya seba Girê Spî û Serêkanîyê yo û bînşewe (17ê Teşrîna Verîne) dest pêkerdo
Fermandarîya Pêroyî ya Hêzê Sûrîyeya Demokratîke (HSD) bînşewe derheqê pêkerdişê mabênê Amerîka û Tirkîya de eşkerayîyêk daye.
Eşkerayîye de nê ameyî vatene:
“Bi mabançîyê Amerîka ya ke Hetkarê Serekê Amerîka birêz Mîke Pence yo temsîl keno bi waştiş û tastîqê HSDyî ewro mabênê Hêzê Sûrîyeya Demokratîke û Tirkîya de pêkerdişê adirbirnayîşê lazabezî ame viraştene. No pêkerdiş seba herêma mabênê Girê Spî û Serêkanîyê yo. Adirbirnayîş ewro ra tepîya dest pêkerd. Hêzê Sûrîyeya Demokratîke derheqê adirbirnayîşo ke ame îlankerdene de qerardaîya xo reyna ano ziwan û Tirkîya ra zî wazeno ke wa na qerardarîye ranojnê.”