Berpirsîyarê Merkezê Resnayîşî yê HSDyî Mistefa Balî serê hesabê xo yê twîtterî de da zanayene ke qatilê Sekretera Pêroyî ya Partîya Ameyoxê Sûrîye Hevrîn Xelefe ameyo tepiştene
Berpirsîyarê Merkezê Resnayîşî yê Hêzê Sûrîyeya Demokratîke (HSD) Mistefa Balî serê hesabê xo yê twîtterî de da zanayene ke qatilê Sekretera Pêroyî ya Partîya Ameyoxê Sûrîye Hevrîn Xelefe ameyo tepiştene. Balî dîyar kerd ke qatilê Hevrîn Xelefe hetê hêzanê înan ra ameyo tepiştene.
Balî parekerdişê xo yê twîtterî de fotografê qatilî Hatim Ebû Şeqra pare kerd û va: “Hatim Ebû Şeqra ci ra yew Hevrîn Xelefe qatilê 9 kesanê sivîlan yê ke rayîrê M4î ser de ameyî qetilkerdene ra yo. Qatil Hatim Ebû Şeqra verê ke tewrê koma ke binê kontrolê Tirkîye de xo rê vanî ‘Artêşa Niştîmanîya Sûrîye’ bibo sey cîhadîstêk mîyanê El Qaîde de ca girewto.”
Hevrîn Xelefe 12ê teşrîna verêna 2019î de serê rayîrê mabenê Til Temir û Eyn Îsaye de raştê hêrişê çeteyan ameye û bi hawayo wehşane ameye qetilkerdene.
