Merkezê Xeberan]
Nêweşîya Vîrusê Korona ke bajarê Çînî yê Wuhanî ra vejîya û heta nika vilayê 27 welatanê bînan bîye, her ke şona vila bena. Goreyê dayeyanê peynî Çîn de hûmara kesê ke nêweşîya Vîrusê Korona (2019-nCoV) ra cuya xo vindî kerdî hezar û 666 kesan derbaz kerde. Vîşêrê Çînî, Hong Kong de yewêk û Fîlîpînî de zî 2 kesî vîrusê korona ra merdî. Bi nê hawayî hûmara merdimanê ke Vîrusê Korona ra merdî hûmara kesanê ke vîrusê Srasî ra merdî ra bîye zêdêr ke mabênê serranê 2002-2003î de pêro dinya de 774 kesî vîrusê Srasî ra merdbî.
Bajarê Çînî Cuhan de tewirêko bîn yê Vîrusê Korona vejîya raşte û heta nika vilayê 20 welatan bi. Hûmara kesê ke bi vîrusê newe yê bi nameyê (Kovid 19) ra cuya xo vindî kerdî û kenî, her ke şona zêde bena. Tena 24 saetanê peynî de 143 kesî merdî. Çîn de hûmara kesê ke Vîrusê Korona ra merdî hezar û 666 kesî derbaz kerde.
