Endamê Komîsyonê Pawitiş û Asayîşî yê Parlamentoyê Iraqî Mehdi Amirliyî da zanayene ke înan eşnawito ke Tirkîya çekanê kîmyewîyan şuxulnena û vat ê do semedê cigêrayîşê çekanê kîmyewîyan komîsyon ronê.
Xeber û dîmenê ke HPGyî derheqê şuxulnayîşê çekanê kîmyewîyan ê dewleta tirke yê vera Herêmanê Pawitişî yê Medya şuxulnena, weşnayî rojdem de yê. Endamê Komîsyonê Pawitiş û Asayîşî yê Parlamentoyê Iraqî Mehdi Amirliyî ke derheqê babete de qisey kerd, vat: “Ma hêrişê dewleta tirke yê vera başûrê Iraqî nizdî ra teqîp kenê. Ma eşnawit ke Tirkîya çekanê kîmyewîyan şuxulnena. No heqê ciranîye û huqûqê mîyanneteweyîyî binpay keno. Parlamentoyê Iraqî do derheqê çekanê kîmyewîyan ê ke Tirkîya şuxulnena de komîsyonêkê taybetî rono.”
