Rayedarên Girtîgeha Jimar 1 a Xarpêtê bi hinceta ku di lûnûska nîşeyan a Necmettîn Sonyaci de peyvên ‘Kurd’ û ‘Kurdistan’ê hene, dest danîn ser lênûskê û cezayê disiplînê li Sonyaci birîn
Rayedarên Girtîgeha Jimar 1 a Xarpêtê bi hinceta ku di lênûska girtiyê bi navê Necmettîn Sonyaci de peyva peyva ‘Kurd û Kurdistan’ heye, cezayê disiplînê li Sonyaci birîn. Sonyaci têkildarî mijarê nameyek ji Ajansa Mezopotamyayê (MA) re şand û agahî dan.
Di nameyê de Sonyaci da zanîn ku pirtûkên ku ji girtiyan re tên şandin, ji aliyê rêveberiyê ve tên desteserkirin û bi awayekî sînor pirtûkan didin wan. Sonyaci diyar kir ku ji ber ku di lênûska wî ya nîşeyan de peyvên ‘Kurd’ û ‘Kurdistan’ hene, rêveberiya girtîgehê dest danîne ser lênûska wî û li wî cezayê disiplînê birîne.
Sonyaci destnîşan kir ku mafê wan ê xebatên çand û hunerê jî tên astengkirin û wiha bi dawî kir: “Em nikarin sûdê ji mafên xwe bigirin. Em li gorî xala 45/1’an a di giştînameyê de nikarin sûdê ji bernameyên hevpar bigirin. Mafê heyî pir tên bisînorkirin. Mafê 4 saetan dadixin. Gelek mafên me yên din tên binpêkirin.” ENQERE
