Serokê Dadgeha Destûra Bingehîn Zuhtu Arslan, ji bo gilînameya nû ya Serdozgerê Komarê yê Dadgeha Bilind Bekîr Şahîn ji bo girtina Partiya Demokratîk a Gelan (HDP) amade kir, raportorê ku gilînameya destpêkê lêkolîn kir, jinûve wezîfedar kir.
Raport divê rapora xwe ya têkildarî lêkolîna destpêkê biqedîne û pêşkêşî heyeta Dadgeha Destûra Bingehîn bike. Piştî vê jî wê heyet lêkolîna destpêkê li ser dozê bike û biryarê bide ku gilînameyê qebûl bike yan na. Li gorî hukmên Qanûna Mûhakemeya Ceza ev pêvajo wê ji dema şandina gilînameyê û pê ve ne zêdeyî 15 rojan be. ENQERE
