Rêxistina HDP’ê ya Amedê, derbarê bergiriyên vîrusa koronayê de ku li seranserê cîhanê berbelav dibe çend hişyarî ji hevserokatiyên xwe yên navçeyan re şand. Di nivisîna agahdariyê de bergiriyên ku divê bên girtin wiha hatine rêzkirin:
- Hemû hevserokatiyên navçeyan û bînaya me ya bajar xebatên xwe li gorî nobedariyê plan bikin û bi rê ve bibin.
- Divê hevalên temen mezin û nexweşiyên wan ên kronîk hene, li gorî şerta li malê mayînê tevbigerin.
- Li avahiyên me yên navçeyan û bajar, li şûna îskan û teyfikên bi cem îskan û teyfîkên ku tenê carekê tên bikaranîn tercîh bikin.
- Xebatên me dema li malê divê bi telefonan baş bên şopandin.
- Divê rêxistinên me yên navçeyan ji girsebûnê dûr bisekinin û li gorî şertên navneteweyî yên paqijiyê amûran peyda bikin û şertan pêk bînin.
- Dema rawestandina li malê divê ji bo ponijandina takekesî hesasiyet bê nîşandan.
- Divê hemû hevalên me koordînasyona navenda giştî û bajar teqez bişopînin û li gorî vê yekê planên xwe bikin. AMED
