Buroya Jinan a Şaredariya Şêxmeqsûdê ji bo xemiladina taxê ya bi şînkahiyan dest bi projeya hawidorê kir
Buroya Jinan a Şaredariya Gel a taxa Şêxmeqsûdê ya Helebê ji bo avakirina projeya meştelên çandiniyê dest bi kar kir.
Proje 500 hewdên ji bo hemû cureyên şînkahiyê û daran wekî yasemîn, cûrî, sebar, iklîl cebel, zeytûn, lîmon, pelên dara xarê û hwd, amade dike.
Li ser armanc û çawaniya karê meştela çandiniyê endama Buroya Jinan Recaa Horo destnîşan kir ku wan dest bi projeya xwe kiriye û wiha got: “Armanca me ji vê projeyê vegera girêdana di navbera jin û çandiniyê de ye û bi taybetî piştî şerê li Şêxmeqsûdê pêwîstiya taxê bi çandina daran li cihên giştî heye.”
Şaredariya Gel a Şêxmeqsûdê plan dike ku parka El Îstîqamê ya li taxa Eşrefiyeyê sererast bike, projeya meştela çandiniyê roleke mezin di zêdekirina parkan de bi tevahî cureyên daran û şînkahiyê xemilandinê, dilîze. HELEB
