Navenda Nûçeyan |
Dîwana Hevserokatiyê ya KCDK-E’yê têkildarî qetilkirina Denîz Poyraz a ji aliyê faşîstan ve, daxuyaniyek da.
Daxuyaniya KCDK-E’yê wiha ye:
“Avahiya HDP’ê ya Bajarê Îzmîrê 24 saetan ji aliyê polîsan ve tê şopandin, kesên dikevin hundir û jê derdikevin tên qeydkirin û şopandin. Kujerekî çete Suleyman Soylû kete hundirê vê avahiyê û endama HDP’ê Denîz Poyraz qetil kir.
Vê cînayetê rûyê dewleta tirk a faşîst, dijminatiya desthilatdariya AKP-MHP’ê ya li kurdan nîşanî gelên Tirkiyeyê û Ewropayê daye. Li cografyaya Tirkiyeyê demokrasî qet nemaye. Mirov nava rojê ji aliyê kujeran ve tên qetilkirin. Desthilatdariya AKP-MHP’ê ya faşîst û çete Suleyman Soylû ku timî HDP’ê dikin hedef, ji vê yekê berpirsyar e.
Polîsên ku 24 saetan ji ewlekariyê berpirsyar in bi tu awayî dest li êrîşkar wernedan û ev bûyera kuştinê jî bi vî rengî bi hevkarî hate kirin. Em vê kuştina namerdî ya li dijî hêzên demokrasiyê, HDP’ê û kurdan hate kirin şermezar dikin.
Êrîşa li dijî HDP’ê destpêka pêvajoyeke cidî û metirsîdar e. Divê bi hez bikevin nava liv û tevgerê, yekitiya hêzê, elewî, hêzên bawerî û demokrasiyê, jin û ciwanan dikin ku li her derê çalakiyên girseyî yên mezin li dar bixin. Bi taybetî roja şemiyê li her derê çalakî divê bê lidarxistin û rejîma AKP-MHP’ê ya faşîst bê teşhîrkirin.
Bi navê KCDK-E’yê em bang li gelê xwe dikin ku li her cihî vê komkujiya faşîst şermezar bike, xwedî li HDP’ê derkeve.”
