KCDK-E’yê bi daxuyaniyekê bang li hemû kurdistanî û dostên wan kir ku li hemberî êrîşên dagirkeriyê yên dewleta tirk ên li ser Rojava dakevin qadan
Dîwana Hevserokatiya Kongreya Civaka Demokratîk-Ewropa (KCDK-E) têkildarî êrîşên dagirkeriyê yên dewleta tirk û çeteyên wê yên li dijî rojavayê Kurdistanê, daxuyaniyeke nivîskî parve kir. Di daxuyaniyê de KCDK-E’yê bang li kurdistanî û dostên wan kir.
KCDK-E’yê diyar kir ku di roja 5’emîn a êrîşa dagirker de Erdoganê dîktator û çeteyên wî konvoya sivîlan hedef girtiye û sivîl qir kirine. Daxuyanî wiha dom kir: “Em bang li hemû gelê Kurdistanê, şoreşger, demokrat û mirovperweran dikin ku li hemberî vê hovîtiyê dakevin qad û kolanan.
Em bang li gelê xwe dikin ku Erdoganê dîktator û artêşa tirk a dagirker bidin sekinandin û dakevin qadan.” BRUKSEL
