Navenda Nûçeyan |
Koordînasyona Komelgeha Jinên Azad a Rojhilatê Kurdistanê (KJAR) bi daxuyaniyekê nivîskî pêngavek dijî zewicandina di temenê biçûk de, ragihand.
KJAR’ê di daxuyaniya xwe anî ziman ku rejîma Îran, hêza jin û ciwanan ku enerjiya zindîbûna civakê ye, tevlihev kiriye û civakê diguhere û wiha got: “Rejîm zihniyeta ciwan û jinan ji bo dewamkirina sîstema xwe bikar tîne. Gelek mînakên vê hene, rejîm êdî hejmara zarokan jî diyar dike, her wiha cil û bergên wan jî diyar dike, bi vê zihniyetê kar dike.
Tevgera me ji bo têkoşîna dijî desthilatê ku rojane bi hebûna civakê dilîze, pêngavek bi navê ‘Dijî qirkirin û darvekirina jinan, dem dema parastina jiyana azad e’ ragihandibû. Ji bo vê jî çalakiyên berfireh pêkhatin û hejmarek ber bi çav a çalakvanên civaka sivîl, jin û yasayî di bin vê sêwanê de kom kir.
Tevgera me vê carê jî bi dirûşmeya ‘Zewaca zarokan, qetilkirina jinan e’ îro pêngavek da destpêkirin. Ev pêngav dijî sîstema baviksalarî û rêgezperesetiya desthilata Îranê ye. Em ê li hemberî vê yekê, civakê hişyar bikin û dijî vê zihniyetê têbikoşin.”
