Netîceyê qezayê minîbuso ke Qelqelîyî de pê ame de 16 koçberî cuya xo vindî kerdî û bi desan koçberî zî birîndar bîyî. Cenazeyê 16 koçberan hetê keye û merdimanê înan ra nêameyî girewtene û goristanê bêkesan de ameyî definkerdene
Qezaya Qelqelî ya Wanî de minîbuso ke koçber tede estbî qeza kerdbî. Netîceyê qezayê minîbusî de 16 koçberî cuya xo vindî kerdî û 20 koçberî zî birîndar bîyî. Otopsîya cenazeyê 16 koçberanê ke cuya xo vindî kerdî û wedarîyayî Dezgeyê Tibê Edlî (ATK) yê Wanî qedîya. Cenazeyê ke otopsîya înan ame kerdene seba ke hetê keyeyan ra nêameyî girewtene, hetê Ekîbê Mudirîya Goristanan yê Şaredarîya Bajarê Girdî ya Wanî ra ameyî girewtene.
Cenazeyê ke ameyî girewtene do taxa Seyrantepeyî de goristanê bêkesan de bêrî definkerdene. WAN
