Komeleya Cigêrayîşê Kurdî dersanê xo yê hamnanî daye dest pêkerdene. Rayîrberê komeleye Eyyup Subaşiyî bale ant sinifê domanan yê ke reya yewino perwerde vînenî ser û va: “Ma do demanê averan de taxan de zî mekteban akerî.”
Komeleya Cigêrayîşê Kurdî dersanê xo yê hamnanî daye dest pêkerdene. Komele bi zarawayê kurmancî heta merheleya 1, 2 û 3 perwerdeyan dana. Sewbîna reya yewino ke komele de perwerde dîyeno domanan zî. Xeylê kesê ke waştî demê xo yê hamnanî veng derbaz nêkerî muracatê komele kerdî. Rayîrberê komeleye Eyyup Subaşiyî derheqê dersan de qisey kerd û malumatanê muhîman da.
Subaşi destpêkê qiseykerdişê xo de va: “Sazî û dezgeyê fermî de kurdî sey ‘ziwano ke nîno zanayene’ yeno zanayene. Zîhnîyetê ‘ziwano ke nîno zanayene’ vera kurdî yo. Seba çinkerdişê no zîhnîyetî çi destê ma ra bêro ma do bikerî. Fermî û qanûnan de cayê kurdî çin o. No tehlukeyêko gird o. Çimkî ziwan nêkeweno mekteban û sazîyanî fermî.”
Subaşi tewr peynî wina va: “Ganî ma paweyê dewlete nêvinderî. Ganî mamektebanê xo akerî. Lazim bikero, ganî ma keye bi keye bigêrî û qala muhîmîya ziwan û perwerdeyî bikerî. Ganî makurdî bikerî ziwanê perwerde, ekonomî, sîyasî û bazarî. Tay keyeyî vanê qey wexto ke domanê înan tirkî bimisî do serkewte bibî. La wina nîyo. Doman eşkenê her ca de ziwanê tirkî bimisî. Cigêrayîşan de zî ame vînayene ke doman eşkenê çend ziwanan pîya bimusî.” STENBOL
