Navenda Nûçeyan
Federasyona Civakên Kurdistanî yên Almanyayê (KON-MED) daxuyaniyek nivîskî weşand û ji bo meşa ku dê sibe li Stûttgartê ji bo azadiya Rêberê Gelê Kurd Abdullah Ocalan bê kirin, banga tevlibûnê kir.
Di daxuyaniyê de ev hate gotin: “Pêngavên ku ji bo azadiya fîzîkî ya Birêz Ocalan hatine destpêkirin, di serî de li Kurdistan, Rojhilata Navîn, Ewropa û gelek cihan deng veda.
Azadiya Ocalan wê ji bo azadiya gelên Rojhilata Navîn xwedî roleke diyarker be. Birêz Ocalan ne tenê fîgurekî siyasî ye ku pirsa kurd çareser bike, heman demê xwedî raman konfederalîzma demokratîk a li Rojava (Bakur û Rojhilatê Sûriye) hatî avakirin e.
Ji bo dawîbûna alozî û şerê ku dewleta tirk li Rojhilata Navîn pêşengtiya wê dike, divê di serî de Rêberê Gelê Kurd Abdullah Ocalan û hemû girtiyên siyasî bên azadkirin.
Ji bo wê di serî de bang li hemû ciwan û jinên kurdistanî yên Almanya, endamên meclisên girêdayî federasyonê, endamên saziyên olî, gelê Kurdistanê, dostên şoreşger, sosyalîst û hemû tifaqan dikin ku tev li çalakiya ku dê 5’ê kanûnê li Laûtenschlagerstr a Stûttgartê bê lidarxistin bibin.”
