Piştî ceribandina fuzeyên menzîlkurt ku bi rojan e ji aliyê Koreya Bakur ve tê kirin, hate ragihandin ku dê êdî fuzeyên bi menzîldirêj bên ceribandin
Par piştî destpêkirina diyaloga bi DYA’yê re, Koreya Bakur ji bo demekê ceribandina fuzeyan rawestandibû. Ajansa nûçeyan a fermî ya Koreya Bakur KCNA ragihand ku piştî ceribandina fuzeyên bi menzîlkurt, ferman hatiye dayin ku fuzeyên bi menzîldirêj bên ceribandin.
Di nûçeyê de hate gotin, lîderê Koreya Bakur Kim Jong Un doh di dema ‘tetbîqata leşkerî’ de ferman daye ku fuzeyên menzîl dirêj bên ceribandin. Artêşa Koreya Başûr daxuyaniyek da û diyar kir ku Koreya Bakur du fuzeyên menzîlkurt ên ji 270 heta 420 kîlometreyî ceribandine.
Balkêş e, piştî ku Nûnerê Taybet ê DYA’yê yê ji bo Koreya Bakur Stephen Biegun gihîşt paytexta Koreya Başûr Seulê, Koreya Bakur fuzeyên menzîlkurt ceriband. PYONGYANG
