Dewleta tirkî ya dagirkere herêma Serêkanîyê bi hawayo şîdetin bombardûman û topbaran kena. Hêrişo wehşane de mîyanê ci de doman zî 8 sivîlî birîndar bîyî
Dewleta tirkî ya dagirkere û çeteyê girêdayeyê aye kovîtîya xo ya vera rojawanê Kurdistanî dewam kenî. Na çarçewe de 9 teşrîna verêne roja destpêkerdişê hêrişanê dagirkerîye ra heta nika bi desan sivîlî ameyî qetilkerdene û bi seyan sivîlî zî birîndar bîyî.
Goreyê xeberanê ke herême ra ameyî, hêzêartêşa tirkî ya dagire û çeteyê aye herême Serêkanîyê bi hawayo şîdetin bombardûman û topvaran kerdî. Ame zanayene ke netîceyê bombardûmanê artêşa tirkî û çeteyanê aye de mîyanê ci de doman zî 8 sivîlî birîndar bîyî. Birîndarî wedarîyayî nêweşxaneyan.
Dîmenêko birîndar tede asîyeno de domano ke pêroyê bedenê ci bombe vera vêşayo qêrayîşê xo de hawarî keno û vano ‘Bawo bedenê mi wêşeno’ û bermeno.
Ganî bêro vîrvistene ke artêşa tirkî ya dagirkere vizêr zî Serêkanîyê de bi teyareyanê şerî dabî konvoyêk sivîlan û 11 sivîlan bi hawayo wehşane qetil kerdbî. Eynî hedîse de 74 sivîlî zî birîndar bîbî. SERÊKANIYÊ
