Çalakvana civaka sivîl Haje Salar ragihand ku peymanên bi dagirkeran re wisan kirine ku partiyek kurd ji bo dagirkeran bikeve nava propagandayê û got; “Ev jî encama lewazîbûn û dawîbûna wê partiyê ye. Ev dide nîşandan dan ku PDK bê dagirkeran nikare dewam bike, eger nekaribe piştgiriya partiyên kurd ên li Tirkiyeyê bike, bila piştgiriya dagirkeran jî neke. Ev pêngav wê tu bandora xwe nebe, ji ber ku me di hilbijartinên borî de dît, kurdan serkeftinek çawa bidestxistin. Niha pêwîste partiyên kurd hîn zêdetir piştgiriya hev bikin, lê alîkaridayîn û piştgiriya aliyek kurd ya ji bo dewleta dagirker, wisan dike ku parçebûn çêbibe.”

Çalakvanê siyasî Piştîwan Mehmud jî derbarê heman mijarê de axivî. Mehmud vê pêngava Barzanî ya ji bo Erdogan şermezar kir û got; “Mixabin li Kurdistanê hertim hêzên xiyanetkar piştgirî dane dagirkerên kurdan. Li Tirkiyeyê hilbijartinek çarenûsî pêktê, hemû rapor û anket jî dibêjin, kurd li Tirkiyeyê hêza sereke û diyarkerin. Mixabin tevî vê xebat û têkoşîna mezin ya kurdan a li Tirkiyeyê, aliyek kurd li başûrê Kurdistanê 32 salin piştgirî dide tirkên faşîst. Piştgirî dide wê Tirkiyeyê ku dijî kurdan komkujî pêktîne, ev cihê xemginiyê ye. Pêwîste Gelê Kurd li her çar parçeyên Kurdistanê ji bo rawestandina vê xiyanetê kar bikin.”