Leşkerên dewleta tirk ku sê roj berê li herêm û taxên Licê êrîşeke berfireh dabû destpêkirin, ji herêmê vekişiyan. Têkildarî encamên êrîşe tu agahî nehatin parvekirin
Hêzên artêşa tirk sê roj berê li dijî herêm û taxên Dîbek, Yolçati, Ortaç, Çiavûndûr, Yalaza, Çagdaş, Tepe, Kûtlû, Daglar, Arikli, Kayacik û Serin ên navçeya Lice ya Amedê êrîşeke berfireh dabû destpêkirin. Artêşa tirk îro ji herêmê vekişiya.
Hat zanîn ku yekîneyên taybet ên ku di êrîşê de cih girtin, li herêmên navborî bi ser gelek malan de girtin û lêgerîn kirin. Di heman demê de di ketin û derketina van herêman de jî wesayît sekinandin û kontrol kirin.
Têkildarî encamên êrîşê heta niha tu agahî bi raya giştî re nehatine parvekirin. AMED
